jitne the rang husn-e-bayaan ke bigaD gae — Aziz Qaisi

kai baar daur-e-kasaad mein gire mehr-o-maah ke daam bhi
magar ek qimat-e-jins-e-dil jo khari rahi to khari rahi

— Aziz Qaisi

nazar uThaao to jhuum jaaein nazar jhukaao to Dagmagaaein
tumhaari nazron se sikhte hain tariq maut-o-hayaat ke ham

— Aziz Qaisi

tujhe siine se lagaa luun tujhe dil mein rakh luun
dard ki chhaanv mein zakhmon ki amaan mein aa jaa

— Aziz Qaisi

aap ko dekh kar dekhtaa rah gayaa
kyaa kahun aur kahne ko kyaa rah gayaa

— Aziz Qaisi

chal 'qaisi' mele mein chal kyaa ronaa tanhaai kaa
koi nahin jab teraa meraa sab mere sab tere

— Aziz Qaisi

ab to faqat badan ki muravvat hai darmiyaan
thaa rabt-e-jaan-o-dil to shuruaat hi mein thaa

— Aziz Qaisi