tum pe ilzaam na aa jaae safar mein koi — Aziz Warsi

tumhaari zaat se mansub hai divaangi meri
tumhin se ab miri divaangi dekhi nahin jaati

— Aziz Warsi

kaise mumkin hai ki ham donon bichhaD jaaeinge
itni gahraai se har baat ko sochaa na karo

— Aziz Warsi

jahaan mein ham jise bhi pyaar ke qaabil samajhte hain
haqiqat mein usi ko ziist kaa haasil samajhte hain

— Aziz Warsi

dil mein ab kuchh bhi nahin un ki mohabbat ke sivaa
sab fasaane hain haqiqat mein haqiqat ke sivaa

— Aziz Warsi

gham-e-uqbaa gham-e-dauraan gham-e-hasti ki qasam
aur bhi gham hain zamaane mein mohabbat ke sivaa

— Aziz Warsi

ik vaqt thaa ki dil ko sukun ki talaash thi
aur ab ye aarzu hai ki dard-e-nihaan rahe

— Aziz Warsi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

yuun to maujud apne ghar mein hai
aadmi mustaqil safar mein hai

— Saleem Amrohvi