kis liye is se nikalne ki duaaein maangun — Azlan Shah

kamaan na tiir na talvaar apni hoti hai
magar ye duniyaa ki har baar apni hoti hai

— Azlan Shah

na haath suukh ke jhaDte hain jism se apne
na shaakh koi samar-baar apni hoti hai

— Azlan Shah

tavil umr ki Dheron duaaein bheji hain
mire charaagh ko paani se bharne vaalon ne

— Azlan Shah

haar ko jiit ke imkaan se baandhe hue rakh
apni mushkil kisi aasaan se baandhe hue rakh

— Azlan Shah

mujh ko pahchaan tu ai vaqt main vo huun jo faqat
ek ghalati ke liye arsh-e-barin se niklaa

— Azlan Shah

haare hue logon ki kahaani ki tarah hain
ham log bhi bahte hue paani ki tarah hain

— Azlan Shah

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal