phuul kis be-dili se hanste hain — Azmat Abdul Qayyum Khan

aabaad mai-kade bhi hain dair-o-haram bhi nahin
lekin na aadmi ko milaa koi aadmi

— Azmat Abdul Qayyum Khan

raushniyon ke shahar mein rah kar
ham andheron se ru-shanaas rahe

— Azmat Abdul Qayyum Khan

manzil pe nazar aai bahut duri-e-manzil
be-saakhta aane lage sab raah-numaa yaad

— Azmat Abdul Qayyum Khan

ab zamaane se aur kyaa maangun
daulat-e-gham bahut ziyaada hai

— Azmat Abdul Qayyum Khan

zindagaani kaa lutf to 'azmat'
sirf tufaan ki panaah mein hai

— Azmat Abdul Qayyum Khan

jo bijliyon ki panaahon mein tum banaa sakte
to is qadar na tumhein khauf-e-aashiyaan hotaa

— Azmat Abdul Qayyum Khan

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia