ek hansti hui badli dekhi — Baqi Siddiqui

is badalte hue zamaane mein
tere qisse bhi kuchh puraane lage

— Baqi Siddiqui

kuchh na paa kar bhi mutmain hain ham
ishq mein haath kyaa khazaane lage

— Baqi Siddiqui

yahi rasta hai ab yahi manzil
ab yahin dil kisi bahaane lage

— Baqi Siddiqui

rang-e-dil rang-e-nazar yaad aayaa
tere jalvon kaa asar yaad aayaa

— Baqi Siddiqui

vaqt kaa patthar bhaari hotaa jaataa hai
ham miTTi ki surat dete jaate hain

— Baqi Siddiqui

dosti khun-e-jigar chaahti hai
kaam mushkil hai to rasta dekho

— Baqi Siddiqui

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

— Sadiq