ye baaton mein narmi ye tahzib-o-aadaab — Bashir Mehtaab

yuun mohabbat ko umr-bhar paDhnaa
zindagi imtihaan ho jaise

jise manzil samajh kar ruk gae ham
vahin se apnaa aaghaaz-e-safar thaa

mohabbat baanTanaa sikho mohabbat hai ataa rab ki
mohabbat baanTne vaale tavil-ul-umr hote hain

mujh ko akhbaar si lagti hain tumhaari baatein
har nae roz nayaa fitna bayaan karti hain

is daur-e-aakhiri ki jahaalat to dekhiye
jis ki zabaan-daraaz hukumat usi ki hai

apni kamar se aap hi baandhe safar tamaam
phir yuun huaa ki main kabhi apnaa nahin banaa