daur-e-haazir ki bazm mein 'bekal' — Bekal Utsahi

har ek lahza miri dhaDkanon mein chubhti thi
ajiib chiiz mire dil ke aas-paas rahi

— Bekal Utsahi

chaandi ke gharondon ki jab baat chali hogi
miTTi ke khilaunon se bahlaae gae honge

— Bekal Utsahi

biich saDak ik laash paDi thi aur ye likkhaa thaa
bhuuk mein zahrili roTi bhi miThi lagti hai

— Bekal Utsahi

log to jaa ke samundar ko jalaa aae hain
main jise phunk kar aayaa vo miraa ghar niklaa

— Bekal Utsahi

khudaa kare miraa munsif sazaa sunaane par
miraa hi sar mire qaatil ke ru-ba-ru rakh de

— Bekal Utsahi

yuun to kai kitaabein paDhin zehn mein magar
mahfuz ek saada varaq der tak rahaa

— Bekal Utsahi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir