auron kaa bataayaa huaa rastaa nahin chunte — Bhaskar Shukla

she'r kahnaa hai un ki aankhon par
dekhiye ban sake agar tasvir

— Bhaskar Shukla

kaun saa tujh se milaane ke liye aayaa hai
ye nayaa saal bhi jaane ke liye aayaa hai

— Bhaskar Shukla

kisi ki maut kaa dukh hai magar is se ziyaada
mujhe is baat kaa dukh hai ki koi ro rahaa hai

— Bhaskar Shukla

agar hai ishq sachchaa to nigaahon se bayaan hogaa
zabaan se bolnaa bhi kyaa koi izhaar hotaa hai

— Bhaskar Shukla

muskuraahaT oDh kar yuun hi nahin rahtaa huun main
jhaank kar dekho kabhi andar bahut TuuTaa huun main

— Bhaskar Shukla

khvaahish sab rakhte hain tujh ko paane ki
aur phir apni apni qismat hoti hai

— Bhaskar Shukla

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr