badan Dhaanpe hue phirtaa huun yaani — Bimal Krishn Ashk

tum to kuchh aise bhuul gae ho jaise kabhi vaaqif hi nahin the
aur jo yunhi karnaa thaa saahab kis liye itnaa pyaar kiyaa thaa

ab ke basant aai to aankhein ujaD gaiin
sarson ke khet mein koi patta haraa na thaa

dekhne niklaa huun duniyaa ko magar kyaa dekhun
jis taraf aankh uThaaun vahi chehra dekhun

ek duniyaa ne tujhe dekhaa hai lekin main ne
jaise dekhaa hai tujhe vaise na dekhaa hotaa

daaera khinch ke baiThaa huun baDi muddat se
khud se niklun to kisi aur kaa rasta dekhun

paDne lage jo zor havas kaa to kyaa nigaah
har zaaviye se jism nikaltaa dikhaae de