bas ab baarah baras ke ho gae khatna karaa Daalo — Boom Merathi

dushman ki chaaplusi se kuchh faaeda nahin
saale ko bevaquf banaae hue to huun

— Boom Merathi

na puchho tum ko aur dushman ko dil mein kyaa samajhtaa huun
use ullu tumhein ullu kaa main paTThaa samajhtaa huun

— Boom Merathi

le ke us shokh ko aaraam se chhat par soyaa
ghair ko Daal diyaa baandh ke shahtir ke saath

— Boom Merathi

shama kuchh phukne ke vaaste ghar par nahin jaati
fidaa ullu kaa paTThaa aa ke khud parvaana hotaa hai

— Boom Merathi

un se chhinke se koi chiiz utarvaai hai
kaam kaa kaam hai angDaai ki angDaai hai

— Boom Merathi

gayaa bachpan shabaab aayaa buDhaapaa aane vaalaa hai
magar main to abhi tak aap ko bachcha samajhtaa huun

— Boom Merathi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb