zulmat ke kaarobaar se fursat nahin mili — Bushra Bakhtiyar Khan

use kaho ki use bakhsh dungi saaraa jahaan
use kaho ki miri samt ek baar aae

— Bushra Bakhtiyar Khan

jis ruup mein bhi chaaho ham aa mileinge tum ko
nuur aur khaak tak hai sab silsila hamaaraa

— Bushra Bakhtiyar Khan

ham manzilon ke baasi kab se bhaTak rahe hain
kab raah par chalegaa ye raasta hamaaraa

— Bushra Bakhtiyar Khan

dair-o-haram pukaarne aae hamein magar
lekin khayaal-e-yaar se fursat nahin mili

— Bushra Bakhtiyar Khan

main chaahun bhi to zamaana badal nahin sakti
ki 'bushraa' log yahaan jhuuT bolte hain bahut

— Bushra Bakhtiyar Khan

hamein to saans bhi lene ki fursatein na rahin
kisi ki yaad ke munh-zor silsile hain bahut

— Bushra Bakhtiyar Khan

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi