baat karnaa pyaar ki aasaan se aasaan hai — Raghvendra Dwivedi

main zaraa saa kyaa khulaa vo khud simaTne lag gayaa
jo kahaa kartaa thaa mujh se khul ke kyon milte nahin

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

jis ne kiyaa hai qatl vahi chikh chikh kar
sab se ye kah rahaa hai ki qaatil pata karo

shahr ke pakke makaanon mein daraarein aa gaiin
gaanv ke kachche gharon ki niinv pakki thi bahut

vo ishaara kar ke pichhe haT gayaa thaa ek din
us ishaare ko samajhne mein lagaa huun aaj tak

aag se rishta hai meraa aur dariyaa bhi hai apnaa
aae din donon ke jhagDe mein ulajh kar rah gayaa huun

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ham jaante to ishq na karte kisu ke saath
le jaate dil ko khaak mein is aarzu ke saath

main jab 'qatil' apnaa sab kuchh luTaa chukaa huun
ab meraa pyaar mujh se daanaai chaahtaa hai

ye bhi aaghaaz-e-mohabbat mein bahut hai mujh ko
dekhtaa letaa huun use haath lagaa letaa huun

rone se aur ishq mein be-baak ho gae
dhoe gae ham itne ki bas paak ho gae