ai sakht-gir aandhi itnaa khayaal rakhnaa — Devang Thakur

sab ko bataa diyaa ki main behad udaas huun
itni si baat ko bhi khabar kar diyaa gayaa

— Devang Thakur

ghar ke andar itne ghar hain is ko kaise toDun main
yaar kabutar rahte hain is ghar ke raushan-daanon mein

— Devang Thakur

tumhein dekhtaa huun so zinda huun main
mujhe saans aati hai aankhon se ab

— Devang Thakur

sar paTak kar dekhnaa hai ek baar
'ishq ko patthar kahaa thaa 'mir' ne

— Devang Thakur

us ke dil se nikle to ham khud ke dil tak aa pahunche
aanaa jaanaa hotaa rahtaa hai apnaa viraanon mein

— Devang Thakur

milnaa hai teri ruuh se ham ko badan baghair
apnaa libaas-e-jism utaare hue hain ham

— Devang Thakur

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli