ab sochti huun kyon ye safar daaere kaa thaa — Farhat Zahid

khizaan ke aakhiri din the vo khushbu maangne aayaa
miraa daaman hi khaali thaa main us ko phuul kyaa deti

— Farhat Zahid

maan ban chuki huun main bhi magar us se kyaa kahun
jo apni maan ke pyaar se aage na jaa sakaa

— Farhat Zahid

ajiib rut hai ye hijr-o-visaal se aage
kamaal hone lagaa hai kamaal se aage

— Farhat Zahid

alfaaz na aavaaz na hamraaz na dam-saaz
ye kaise doraahe pe main khaamosh khaDi huun

— Farhat Zahid

vo aae to rang sanvarne lagte hain
jaise bichhDaa yaar bhi koi mausam hai

— Farhat Zahid

aurat huun magar surat-e-kohsaar khaDi huun
ik sach ke tahaffuz ke liye sab se laDi huun

— Farhat Zahid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

gulaabon ke honTon pe lab rakh rahaa huun
use der tak sochnaa chaahtaa huun

— Zubair Rizvi

jab bhi ye sochne lagtaa huun ki kaun apnaa hai
zehn mein aa ke kai naam nikal jaate hain

— Abdul Wahab Sukhan

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem