kyaa milaa arz-e-muddaaa se 'figaar' — Figar Unnavi

maayus dilon ko ab chheDo bhi to kyaa haasil
TuuTe hue paimaane fariyaad nahin karte

— Figar Unnavi

fazaa kaa tang honaa fitrat-e-aazaad se puchho
par-e-parvaaz hi kyaa jo qafas ko aashiyaan samjhe

— Figar Unnavi

dil hai miraa rangini-e-aaghaaz pe maail
nazron mein abhi jaam hai anjaam nahin hai

— Figar Unnavi

ik teraa aasraa hai faqat ai khayaal-e-dost
sab bujh gae charaagh shab-e-intizaar mein

— Figar Unnavi

un pe qurbaan har khushi kar di
zindagi nazr-e-zindagi kar di

— Figar Unnavi

partav-e-husn se zarre bhi bane aaine
kitne jalve kiye arzaan tiri raanaai ne

— Figar Unnavi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

har qarz-khvaah hadd-e-adab laangne lagaa
dil apni maghfirat ki duaa maangne lagaa

— Furqat Kakorvi

shaaeri pahle rasulon ki duaa thi 'qaisar'
aaj is ahd mein ik shoabda-e-zaat hui

— Qaisarul Jafri