adaa ko tiri meraa ji jaantaa hai — Gulam Yahya Huzur Azimabadi

kahun ki shaikh-e-zamaana huun laaf to ye hai
main apne but kaa barahman huun saaf to ye hai

— Gulam Yahya Huzur Azimabadi

ishq mein dard se hai hurmat-e-dil
chashm ko aabru hai aansu se

— Gulam Yahya Huzur Azimabadi

shab-e-hijr mein ek din dekhnaa
agar zindagi hai to mar jaaeinge

— Gulam Yahya Huzur Azimabadi

kabhi haath bhi aaegaa yaar sach kah
yaa yunhi tu baatein banaataa rahegaa

— Gulam Yahya Huzur Azimabadi

na tu jaldi kar ai dast-e-junun naaseh ko siine de
bahaar aa pahunchi ab koi Thaharte hain rafu is ke

— Gulam Yahya Huzur Azimabadi

yaar gar puchhe to kiije kuchh arz
baat par baat kahi jaati hai

— Gulam Yahya Huzur Azimabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir