dil sabhi kuchh zabaan par laayaa — Hafeez Jalandhari

'hafiz' apni boli mohabbat ki boli
na urdu na hindi na hindostaani

— Hafeez Jalandhari

vafaa jis se ki bevafaa ho gayaa
jise but banaayaa khudaa ho gayaa

— Hafeez Jalandhari

iraade baandhtaa huun sochtaa huun toD detaa huun
kahin aisaa na ho jaae kahin aisaa na ho jaae

— Hafeez Jalandhari

doston ko bhi mile dard ki daulat yaa rab
meraa apnaa hi bhalaa ho mujhe manzur nahin

— Hafeez Jalandhari

ai miri jaan apne ji ke sivaa
kaun teraa hai kaun meraa hai

— Hafeez Jalandhari

dekhaa jo khaa ke tiir kamin-gaah ki taraf
apne hi doston se mulaaqaat ho gai

— Hafeez Jalandhari

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal