tan ko miTTi nafas ko havaa le gai — Heera Lal Falak Dehlvi

haal bimaar kaa puchho to shifaa milti hai
yaani ik kalma-e-pursish bhi davaa hotaa hai

— Heera Lal Falak Dehlvi

raushni tez karo chaand sitaaro apni
mujh ko manzil pe pahunchnaa hai sahar hone tak

— Heera Lal Falak Dehlvi

mil ke sab amn-o-chain se rahiye
laantein bhejiye fasaadon par

— Heera Lal Falak Dehlvi

miraa khat paDh liyaa us ne magar ye to bataa qaasid
nazar aai jabin par buund bhi koi pasine ki

— Heera Lal Falak Dehlvi

nazron mein husn dil mein tumhaaraa khayaal hai
itne qarib ho ki tasavvur muhaal hai

— Heera Lal Falak Dehlvi

apnaa ghar phir apnaa ghar hai apne ghar ki baat kyaa
ghair ke gulshan se sau darja bhalaa apnaa qafas

— Heera Lal Falak Dehlvi

kisi ke ek ishaare mein kis ko kyaa na milaa
bashar ko ziist mili maut ko bahaana milaa

— Fani Badayuni

udaas aankhon se aansu nahin nikalte hain
ye motiyon ki tarah sipiyon mein palte hain

— Bashir Badr

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

— Muztar Khairabadi

umr-bhar jis ke liye aankhein rahi hain farsh-e-raah
vo ajal kaa qaasid-e-farkhanda-gaam aa hi gayaa

— Rashid Shahjahanpuri

allaah re zauq-e-dasht-navardi ki baad-e-marg
hilte hain khud-ba-khud mire andar kafan ke paanv

— Mirza Ghalib

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

— Siraj Aurangabadi