Maut

"daar tak mujh ko khinch laane par harf to aaegaa zamaane par kis Thikaane pe aaj pahunchaa huun aaj pahunchaa huun kis Thikaane par dil ne majbur kar diyaa hogaa aap aae hain kab bulaane par maut hairaan thi dekh kar mujh ko zindagi thi mujhe bachaane par hashr barpaa hai meri aankhon mein vo tulaa hai mujhe sulaane par phir se nikli hai surat-e-taamir ek takhrib ke dahaane par main to mauquf ho chukaa 'iqraar' kurra-e-arz ko ghumaane par"

"kisi khaas tak na pahunche kisi 'aam tak na pahunche jo hain ranjishein hamaari vo avaam tak na pahunche tiri duriyaan salaamat tujhe chaahtaa rahun main mujhe maut aae tujh ko ye payaam tak na pahunche tire haath mein qalam hai to vo likh jo haq hai 'ahmad' vo na baat likh tu 'ahmad' jo nizaam tak na pahunche"

us but ke nahaane se huaa saaf ye paani
moti bhi sadaf mein tah-e-dariyaa nazar aayaa

"yaad aa ke tiri hijr mein samjhaaegi kis ko dil hi nahin siine mein to bahlaaegi kis ko dam khinchtaa hai kyuun aaj ye rag rag se hamaaraa kyaa jaane idhar dil ki kashish laaegi kis ko uThne hi nahin deti hai jab yaas biThaa kar phir shauq ki himmat kahin le jaaegi kis ko jab maar hi Daalaa hamein be-taabi-e-dil ne karvaT shab-e-furqat mein badalvaaegi kis ko mar jaaeinge be-maut gham-e-hijr ke maare aaegi to ab zinda ajal paaegi kis ko achchhaa rahe tasvir kisi ki mire dil par kam-bakht na Thahregaa to Thahraaegi kis ko kuchh baiTh gayaa dil hi yahaan baiTh ke apnaa ghairat tiri mahfil se ab uThvaaegi kis ko is vaada-khilaafi ne agar jaan hi le li phir jhuTi tasalli tiri taDpaaegi kis ko kyuun leinge 'jalaal' aa ke mire dil mein vo chuTki jhapkegi palak kaahe ko niind aaegi kis ko"

"ahd-e-junun mein arsa-e-vahshat guzaarnaa jaise shab-e-visaal mein furqat guzaarnaa jaanaa suraagh-e-jauhar-e-takhliq DhunDne aur us ke baad aalam-e-hairat guzaarnaa karnaa hayaat pahlu-e-aivaan-e-dard mein rozaana ek roz-e-qayaamat guzaarnaa ab tak to hai uruus badan ke nasib mein zulfon pe khaak Daalnaa iddat guzaarnaa jivan sazaa-e-maut se pahle kaa khel hai sab ko hai ye mili hui mohlat guzaarnaa 'aakaash' daur-e-jabr-o-mashaqqat hai chaar din phir taa-abad sukun ki haalat guzaarnaa"

kirshn 'mohan' ye bhi hai kaisaa akelaa-pan ki log
maut se Darte hain main to zindagi se Dar gayaa

maut se pahle jahaan mein chand saanson kaa azaab
zindagi jo qarz teraa thaa adaa kar aae hain

muflison ki zindagi kaa zikr kyaa
muflisi ki maut bhi achchhi nahin

"mataa-e-fikr-o-nazar rahaa huun misaal-e-khushbu bikhar rahaa huun main zindagaani ke maarke mein hamesha zer-o-zabar rahaa huun shafaq huun suraj huun raushni huun salib-e-gham par ubhar rahaa huun sajaao raste bichhaao kaanTe ki paa-barahna guzar rahaa huun na zindagi hai na maut hai ye na ji rahaa huun na mar rahaa huun jo mere andar chhupaa huaa hai us aadmi se bhi Dar rahaa huun vo mere apne hi gham the 'saabir' ki jin se main be-khabar rahaa huun"

maut kahte hain jis ko ai 'saaghar'
zindagi ki koi kaDi hogi

"ne aadmi pasand na is ko khudaa pasand hai aaine mein qaid miraa aainaa-pasand do-chaar din bhi ham se nibaahi nahin gai vo mo'tadil mizaaj thaa main intihaa pasand vo khud-fareb shakhs thaa patthar-shanaas thaa aayaa na us ko koi bhi apne sivaa pasand puchhe hai ham ne kaahe kiyaa kufr ikhtiyaar ghaflat pasand hai na hamein aasraa pasand ghaughaa-e-marg chaaron taraf phailne lagaa kyaa is jahaan ko chhoD gae baadiya-pasand us par hi bhejtaa hai vo aafat bhi maut bhi shaayad use gharib kaa bachcha hai naa-pasand aakaash ek shakhs hai duniyaa se mukhtalif pahli nazar mein hi tumhein aa jaaegaa pasand"

"thoDi si duur teri sadaa le gai hamein phir ik havaa-e-tund uDaa le gai hamein naddi kinaare kyaa gae paani ki chaah mein naddi samundaron mein bahaa le gai hamein qismat mein tishnagi se hi marnaa likhaa thaa phir kyuun saahilon pe garm havaa le gai hamein nashsha thaa zindagi kaa sharaabon se tez-tar ham gir paDe to maut uThaa le gai hamein ham saada-dil the aa gae aakhir fareb mein baaton mein us ki aankh lagaa le gai hamein"

nashsha thaa zindagi kaa sharaabon se tez-tar
ham gir paDe to maut uThaa le gai hamein

"bahaar aai zamaana huaa kharaabaati hamaare dil mein bhi ik lahr kaash aa jaati havaa bhi sard hai bhigi hai raat bhi lekin sulag rahi hai kisi aag se miri chhaati mire paDos mein ye zikr hai kai din se sadaa jo aati thi rone ki ab nahin aati lagaa ke siine se shaadaabiyon ko so jaataa mujhe bahaar-e-javaani mein maut aa jaati bajaa rahaa hai koi raat mein sitaar 'akhtar' dhaDak rahi hai miri aarzuon ki chhaati"

"kahte hain naala-e-hazin sun ke soz ye dil-gudaaz hain dhun ke sar agar kaaTnaa hai chun chun ke aastin chaDhaao chun chun ke sham'-o-parvaana shab ko the dil-soz rah gae subh tak vo jal-bhun ke ghun lagaa maut kaa jo aa'zaa mein ustukhvaan khaak ho gae ghun ke main vo naalaan huun jis ke ham-saaya koste hain fughaan miri sun ke kaT sakaa koh-e-gham na aakhir-kaar kohkan sar ko rah gayaa dhun ke naam-aavar jo 'mir' the ai 'shaad' ab hamin ik nishaan hain un ke"

"qaamat-e-yaar ko ham yaad kiyaa karte hain sarv ko sadqe mein aazaad kiyaa karte hain zulf-e-shab-rang ko ham yaad kiyaa karte hain shab-e-taarik mein fariyaad kiyaa karte hain nigah-e-yaar ko ham yaad kiyaa karte hain dekh kar barq ko fariyaad kiyaa karte hain kucha-e-yaar ko ham yaad kiyaa karte hain jaa ke gulzaar mein fariyaad kiyaa karte hain ghar jo be-yaar hai viraan to tasavvur mein mudaam khaana-e-dil ko ham aabaad kiyaa karte hain rashk se naam nahin lete ki sun le na koi dil hi dil mein use ham yaad kiyaa karte hain guzre hain kucha-e-kaakul se sabaa ke jhonke nikhat-e-gul ko jo barbaad kiyaa karte hain hote hain jaate hi maktab mein pari-ru khun-rez kyaa ye jallaadon ko ustaad kiyaa karte hain phunk dein naala-e-sozaan se agar chaahein qafas ham faqat khaatir-e-sayyaad kiyaa karte hain hoti hai aafat-e-khat qahr-e-khudaa se naazil ye sanam ham pe jo bedaad kiyaa karte hain malak-ul-maut agar kahiye unhein to hai bajaa qatl be-tegh pari-zaad kiyaa karte hain tu vo sayyaad hai jo vaar ke tujh par laakhon taaer-e-ruh ko aazaad kiyaa karte hain intiqaam is kaa kahin le na falak Dartaa huun jhuTe vaadon se jo vo shaad kiyaa karte hain teraa divaan hai kyaa saamne un ke 'naasikh' jo ki quraan pe iraad kiyaa karte hain"

"maut bhi meri dastaras mein nahin aur jiinaa bhi apne bas mein nahin aag bhaDke to kis tarah bhaDke ik sharar bhi to khaar-o-khas mein nahin qatl-o-ghaarat khuli fazaa kaa nasib aisaa khatra koi qafas mein nahin kyaa sune koi daastaan-e-vafaa farq ab ishq aur havas mein nahin zulm ke saamne ho sina-sipar hausla itnaa ham-nafas mein nahin 'josh' vo jo kahein karo taslim faaeda kuchh bhi pesh-o-pas mein nahin"

"ik zaraa si chaah mein jis roz bik jaataa huun main aaine ke saamne us din nahin aataa huun main ranj gham us se chhupaataa huun main apne laakh par paDh hi letaa hai vo chehra phir bhi jhuTlaataa huun main qarz kyaa laayaa main khushiyaan zindagi se ek din roz karti hai taqaaza aur jhunjhlaataa huun main hausla to dekhiye meraa ghazal ki khoj mein apne hi siine mein khanjar saa utar jaataa huun main de sazaa-e-maut yaa phir bakhsh de tu zindagi kashmakash se yaar teri sakht ghabraataa huun main maun vo paDhtaa nahin aur shabd bhi suntaa nahin jo bhi kahnaa chaahtaa huun kah nahin paataa huun main khvaab sach karne chalaa thaa gaanv se main shahr ko niind bhi kho kar yahaan 'aalok' pachhtaataa huun main"

kahun kis se main ki kyaa hai shab-e-gham buri balaa hai
mujhe kyaa buraa thaa marnaa agar ek baar hotaa

thaa zindagi mein marg kaa khaTkaa lagaa huaa
uDne se pesh-tar bhi miraa rang zard thaa