har taraf ik muhib sannaaTaa — Himayat Ali Shayar

zindagi ki baat sun kar kyaa kahein
ik tamannaa thi taqaazaa ban gai

— Himayat Ali Shayar

suraj ko ye gham hai ki samundar bhi hai paayaab
yaa rab mire qulzum mein koi sail-e-ravaan aur

— Himayat Ali Shayar

tujh se vafaa na ki to kisi se vafaa na ki
kis tarah intiqaam liyaa apne aap se

— Himayat Ali Shayar

taariki mein lipTi hui pur-haul khamoshi
is aalam mein kyaa nahin mumkin jaagte rahnaa

— Himayat Ali Shayar

apne kisi amal pe nadaamat nahin mujhe
thaa nek-dil bahut jo gunahgaar mujh mein thaa

— Himayat Ali Shayar

main sochtaa huun is liye shaayad main zinda huun
mumkin hai ye gumaan haqiqat kaa gyaan de

— Himayat Ali Shayar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia