kaam kyaa nikle kisi tadbir se — Imam Bakhsh Nasikh

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

— Imam Bakhsh Nasikh

ham mai-kashon ko Dar nahin marne kaa mohtasib
firdaus mein bhi sunte hain nahr-e-sharaab hai

— Imam Bakhsh Nasikh

ham zaifon ko kahaan aamad o shud ki taaqat
aankh ki band huaa kucha-e-jaanaan paidaa

— Imam Bakhsh Nasikh

shubh 'naasikh' nahin kuchh 'mir' ki ustaadi mein
aap be-bahra hai jo mo'taqid-e-'mir' nahin

— Imam Bakhsh Nasikh

vo nahin bhultaa jahaan jaaun
haae main kyaa karun kahaan jaaun

— Imam Bakhsh Nasikh

takallum hi faqat hai us sanam kaa
khudaa ki tarah goyaa be-dahaan hai

— Imam Bakhsh Nasikh