taazgi hai sukhan-e-kuhna mein ye baad-e-vafaat — Imam Bakhsh Nasikh

ham zaifon ko kahaan aamad o shud ki taaqat
aankh ki band huaa kucha-e-jaanaan paidaa

ham mai-kashon ko Dar nahin marne kaa mohtasib
firdaus mein bhi sunte hain nahr-e-sharaab hai

shubh 'naasikh' nahin kuchh 'mir' ki ustaadi mein
aap be-bahra hai jo mo'taqid-e-'mir' nahin

kaam kyaa nikle kisi tadbir se
aadmi majbur hai taqdir se

vo nahin bhultaa jahaan jaaun
haae main kyaa karun kahaan jaaun

takallum hi faqat hai us sanam kaa
khudaa ki tarah goyaa be-dahaan hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa