ek muddat se na qaasid hai na khat hai na payaam — Jalal Manikpuri

aaj tak dil ki aarzu hai vahi
phuul murjhaa gayaa hai bu hai vahi

— Jalal Manikpuri

kah dein tum se kaun hain, kyaa hain, kahaan rahte hain ham
be-khudon ko apne jab tum hosh mein aane to do

— Jalal Manikpuri

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai

— Qateel Shifai

ek parchhaain tasavvur ki mire saath rahe
main tujhe bhulun magar yaad mujhe tu aae

— Gulnar Aafreen