itne maayus to haalaat nahin — Jan Nisar Akhtar

ashaar mire yuun to zamaane ke liye hain
kuchh sher faqat un ko sunaane ke liye hain

— Jan Nisar Akhtar

zulfein siina naaf kamar
ek nadi mein kitne bhanvar

— Jan Nisar Akhtar

dil ko har lamha bachaate rahe jazbaat se ham
itne majbur rahe hain kabhi haalaat se ham

— Jan Nisar Akhtar

ishq mein kyaa nuqsaan nafa hai ham ko kyaa samjhaate ho
ham ne saari umr hi yaaro dil kaa kaarobaar kiyaa

— Jan Nisar Akhtar

tujhe baanhon mein bhar lene ki khvaahish yuun ubharti hai
ki main apni nazar mein aap rusvaa ho saa jaataa huun

— Jan Nisar Akhtar

ye ilm kaa saudaa ye risaale ye kitaabein
ik shakhs ki yaadon ko bhulaane ke liye hain

— Jan Nisar Akhtar

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar