divaarein to har taraf khaDi hain — Kaifi Azmi

peD ke kaaTne vaalon ko ye maalum to thaa
jism jal jaaeinge jab sar pe na saaya hogaa

— Kaifi Azmi

gar Dubnaa hi apnaa muqaddar hai to suno
Dubeinge ham zarur magar naakhudaa ke saath

— Kaifi Azmi

ghurbat ki ThanDi chhaanv mein yaad aai us ki dhuup
qadr-e-vatan hui hamein tark-e-vatan ke baad

— Kaifi Azmi

ik khvaab khushi kaa dekhaa nahin dekhaa jo kabhi to bhuul gae
maangaa huaa tum kuchh de na sake jo tum ne diyaa vo sahne do

— Kaifi Azmi

uThaa ke sar mujhe itnaa to dekh lene de
ki qatl-gaah mein divaane aae hain kyaa kyaa

— Kaifi Azmi

dil ki naazuk ragein TuTti hain
yaad itnaa bhi koi na aae

— Kaifi Azmi