vaqt guzar jaataa hai lekin dil ki ranjish — Khaavar Jilani

sabhi kirdaar thak kar so gae hain
magar ab tak kahaani chal rahi hai

— Khaavar Jilani

ik chingaari aag lagaa jaati hai ban mein aur kabhi
ek kiran se zulmat ko chhaT jaanaa paDtaa hai

— Khaavar Jilani

jiinaa to alag baat hai marnaa bhi yahaan par
har shakhs ki apni hi zarurat ke liye hai

— Khaavar Jilani

yunhi bekaar main paDaa khud ko
kaar-aamad banaa rahaa huun main

— Khaavar Jilani

vo kuchh se kuchh banaa Daalegaa taslimat ke maani
saliqa aa gayaa us ko agar inkaar karne kaa

— Khaavar Jilani

banne vaali baat vahi hoti hai vo jo
bante bante yaksar banti rah jaati hai

— Khaavar Jilani

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli