روح کے دامن سے اپنی دنیا داری باندھ کر چل رہے ہیں دم بہ دم آنکھوں پہ پٹی باندھ کر یہ کہانی ایک ایسے سر پھرے موسم کی ہے خشک پتوں سے جو لے آیا تھا آندھی باندھ کر حق اگر کوئی نمو کا تھا تو وہ اس نے ادا کر دیا ہے بادلوں سے آبیاری باندھ کر صبح ہوتی ہے تو کنج خوش گمانی میں کہیں پھینک دی جاتی ہے شب بھر کی سیاہی باندھ کر اے مرے دریا اگر کوئی بھروسہ ہو ترا چھوڑ جاؤں میں تری لہروں سے کشتی باندھ کر گام اٹھتے ہی سفر نے پاٹ دی ساری خلیج رہروی نے ڈال دی اک سمت دوری باندھ کر میں سراسر ایک اندیشہ ہوں نقص امن کا مجھ کو رکھتا ہے لہٰذا میرا قیدی باندھ کر عجز گوئی پر پڑاؤ ڈال دیتی ہے مری لفظ یابی معنویت سے ہے تتلی باندھ کر کھل رہے ہیں سر زمین دل پہ جذبوں کے گلاب اڑ رہی ہے آج خوشبو خود سے تتلی باندھ کر جانے سینے میں بکاؤ شے ہے کیا جس کے لیے دوڑتی پھرتی ہیں سانسیں ریزگاری باندھ کر وا ہوئے ہوتے دریچے آج امکانات کے گر نہ رکھ دیتی ہمیں اپنی مساعی باندھ کر

ruuh ke daaman se apni duniyaa-daari baandh kar

غزل · Ghazal

بہتر کی گنجائش باقی رہ جاتی ہے کمی کہیں پوشیدہ کوئی رہ جاتی ہے من چاہی تصویر بنانے میں مجھ سے ہنر وری میں کچھ کوتاہی رہ جاتی ہے سیلاب آ جانے پر اس بستی کی ساری پختہ کاری کچی رہ جاتی ہے بننے والی بات وہی ہوتی ہے وہ جو بنتے بنتے یکسر بنتی رہ جاتی ہے رہ جاتی ہے آتے آتے آتی ساعت ہونی ہوتے ہوتے ہوتی رہ جاتی ہے وقت گزر جاتا ہے لیکن دل کی رنجش دل میں بیٹھی کی بیٹھی ہی رہ جاتی ہے چلتے رہ جاتے ہیں روز و شب کے دھندے گنگا الٹی سیدھی بہتی رہ جاتی ہے پھانک لیے جانے کو خاک مسافت کی راہوں پر ہی چھانی پھٹکی رہ جاتی ہے آ جاتی ہے برہا اور دلہنیاں چھت پر اپنے گیلے بال سکھاتی رہ جاتی ہے

behtar ki gunjaaish baaqi rah jaati hai

غزل · Ghazal

چلتے چلتے راہوں سے کٹ جانا پڑتا ہے ہوتے ہوتے منظر سے ہٹ جانا پڑتا ہے دیکھنا پڑ جاتا ہے خود کو کر کے ایک تماشائی اپنی دھول اڑا کر خود اٹ جانا پڑتا ہے خطاطی سے دور بھٹکنے والے سوچ کے دامن کو کورے کاغذ کے ہاتھوں پھٹ جانا پڑتا ہے سازینہ جب قدم بڑھاتا ہے اس کی پازیبوں کا کانوں کو جھنکار کی آہٹ جانا پڑتا ہے خواہش مر جائے تو اس کی چتا کو آگ دکھانے میں دھڑکن دھڑکن دل کے مرگھٹ جانا پڑتا ہے تاب نہیں ہو جس میں کانچ کو ریزہ ریزہ کرنے کی اس پتھر کو ٹکڑوں میں بٹ جانا پڑتا ہے خود کے متلاشی کو ایک نہ اک دن آخر کار اپنے بھولے بسرے ہوئے کی چوکھٹ جانا پڑتا ہے سچائی وہ جنگ ہے جس میں بعض اوقات سپاہی کو آپ مقابل اپنے ہی ڈٹ جانا پڑتا ہے اک چنگاری آگ لگا جاتی ہے بن میں اور کبھی ایک کرن سے ظلمت کو چھٹ جانا پڑتا ہے بات ریاکاری کے بن بن پاتی نہیں ہے خاورؔ اس دوزخ میں کروٹ کروٹ جانا پڑتا ہے

chalte chalte raahon se kaT jaanaa paDtaa hai

غزل · Ghazal

نافع ہے کچھ تو وہ کسی فیضان ہی کا ہے ورنہ تعلقہ مرا نقصان ہی کا ہے کلفت ہے سب کی سب یہ توقع کے نام کی جو بھی کیا دھرا ہے یہ امکان ہی کا ہے مال و منال دست گہہ حادثات کا رہتے ہیں گر بحال تو اوسان ہی کا ہے منظر وہ ہے کہ جو کبھی ششدر نہ کر سکے حیرت یہ ہے کہ دیدۂ حیران ہی کا ہے الزام خود ہوں میں یہاں ہستی کے نام پر میرا وجود اصل میں بہتان ہی کا ہے تفصیل میں تو سمٹا ہوا ہی تھا انکسار اجمال بھی یہ عجز کے عنوان ہی کا ہے آخر عیاں ہوا کہ مراسم کی ذیل میں اسباب دل شکستگی پیمان ہی کا ہے جب تک بہ دوش رہتا ہے رہتا ہوں گامزن میرا سفر حقیقتاً سامان ہی کا ہے اترے وہ ناؤ شوق سے ہو ڈوبنا جسے ساحل مزاج بحر کا طوفان ہی کا ہے آوارگاں کے واسطے کردار دشت کا انجام کار حیطۂ زندان ہی کا ہے جائے پناہ اس کی کوئی دوسری نہیں خاورؔ کہیں کا ہے تو بیابان ہی کا ہے

naafe hai kuchh to vo kisi faizaan hi kaa hai

غزل · Ghazal

مفصل داستانیں مختصر کر کے دکھائیں گے طوالت عمر بھر کی جست بھر کر کے دکھائیں گے جو سپنے دیکھ رکھے ہیں جہان دیدۂ وا نے انہیں تعبیر کے زیر اثر کر کے دکھائیں گے یہ وہ نمناکیاں ہیں جو ہوا دیں گی الاؤ کو یہ وہ آنسو ہیں جو خود کو شرر کر کے دکھائیں گے بھروسہ رہ گیا کچھ خاک کو ہم پر اگر تو ہم فنا کے سامنے جیون بسر کر کے دکھائیں گے تلفظ پر نہ ہو موقوف جب کچھ تو معانی کو کسی کے لفظ کیا زیر و زبر کر کے دکھائیں گے یہ بادل کیا دکھائیں گے ہوا کو مشتعل ہو کر یہ پتے پیڑ کو کیا در بہ در کر کے دکھائیں گے اجازہ ہو گیا معجز بیانی کا تو ہم تیرے اسی تخم تحیر کو شجر کر کے دکھائیں گے اگر پاتال بن جائے گا اس کی تہہ میں اتریں گے اگر چوٹی بنے گا اس کو سر کر کے دکھائیں گے گماں جو اوس کے قطروں کی صورت ہیں ابھی خاورؔ کسی دن وہ تمہیں خود کو بھنور کر کے دکھائیں گے

mufassal daastaanein mukhtasar kar ke dikhaaeinge

غزل · Ghazal

قدم قدم کا علاقہ ہے ناروا تک ہے فسون جور و جفا پیشہ جا بجا تک ہے گر ایک بار کا ہونا الم غنیمت تھا ستم تو یہ ہے کہ در پیش بارہا تک ہے دئیے کی لو سے نہیں واسطہ کسی کا کوئی اگر کسی کا کوئی ہے تو پھر ہوا تک ہے عمل ہے خود پہ عمل دار تا دم موقوف اور اس کا رد عمل اپنے التوا تک ہے صدائے شور و شغب ہے ادھر سماعت تک شنید گرد و جوانب ادھر صدا تک ہے مگر یہ کون بتائے سفر نوردوں کو کہ حد دشت جنوں ان کے اکتفا تک ہے اے بے قرارئ دل مجھ کو یہ خبر ہی نہ تھی کہ جو قرار کی سرحد ہے اتقا تک ہے خدا سے بعد میں رکھے ہوئے ہے دنیا کو وہ فاصلہ جو ہتھیلی سے اک دعا تک ہے کہیں پرے کی ہے حاجت روائی سے میری مرا سوال ضرورت سے ماورا تک ہے ہے تو ہی آنکھ مری اے جمال پیش نظر سو یہ تماشہ مرا اک تری رضا تک ہے نہیں ہے کوئی بھی حتمی یہاں حد معلوم ہر ایک انتہا اک اور انتہا تک ہے

qadam qadam kaa 'ilaaqa hai naa-ravaa tak hai

See all 12 Ghazals →

Similar Poets