parind unchi uDaanon ki dhun mein rahtaa hai — Khaleel Tanveer

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

— Khaleel Tanveer

auron ki buraai ko na dekhun vo nazar de
haan apni buraai ko parakhne kaa hunar de

— Khaleel Tanveer

rusvaa hue zalil hue dar-ba-dar hue
haq baat lab pe aai to ham be-hunar hue

— Khaleel Tanveer

parind shaakh pe tanhaa udaas baiThaa hai
uDaan bhuul gayaa muddaton ki bandish mein

— Khaleel Tanveer

teri aamad ki muntazir aankhein
bujh gaiin khaak ho gae raste

— Khaleel Tanveer

vo log apne aap mein kitne aziim the
jo apne dushmanon se bhi nafrat na kar sake

— Khaleel Tanveer