badal liyaa hai zaraa khvaab ke ilaaqe ko — Khawer Eijaz

mire aur us ke biich ik dhund si maujud rahti hai
ye duniyaa aa rahi hai mere us ke darmiyaan shaayad

— Khawer Eijaz

ye dil had se guzarnaa chaahtaa thaa
magar majbur ho kar rah gayaa hai

— Khawer Eijaz

sunaa rahi hai jise joD joD kar duniyaa
tamaam TukDe hain vo meri daastaan ke hi

— Khawer Eijaz

mire sehan par khulaa aasmaan rahe ki main
use dhuup chhaanv mein baanTanaa nahin chaahtaa

— Khawer Eijaz

jahaan tum ho vahaan se duur paDti hai zamin meri
jahaan main huun vahaan se aasmaan nazdik paDtaa hai

— Khawer Eijaz

mujhe is khvaab ne ik arse tak be-taab rakkhaa hai
ik unchi chhat hai aur chhat par koi mahtaab rakkhaa hai

— Khawer Eijaz

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

chaand ne taan li hai chaadar-e-abr
ab vo kapDe badal rahi hogi

— Jaun Elia

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal