umr do-chaar roz mehmaan hai — Maatam Fazl Mohammad

dariyaa mein vo dhoyaa thaa kabhi dast-e-hinaai
hasrat se vahin panja-e-marjaan mein lagi aag

— Maatam Fazl Mohammad

dekh kar haath mein tasbih gale mein zunnaar
mujh se bezaar hue kaafir o din-daar judaa

— Maatam Fazl Mohammad

agar samjho namaaz-e-zaahid-e-maghrur yaaro
hazaaron baar behtar-tar hamaari be-namaazi hai

— Maatam Fazl Mohammad

ishq-e-khubaan nahin hai aisi shai
baandh kar rakhiye jis ko puDiyaa mein

— Maatam Fazl Mohammad

jahaan se huun yahaan aayaa vahaan jaaungaa aakhir ko
miraa ye haal hai yaaro na mustaqbil na maazi huun

— Maatam Fazl Mohammad

pujtaa huun kabhi but ko kabhi paDhtaa huun namaaz
meraa mazhab koi hindu na musalmaan samjhaa

— Maatam Fazl Mohammad

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim