kam-umri mein sunet hain — Malikzada Javed

jal gae phir se kuchh hasin rishte
tanziya guftugu ki bhaTTi mein

miyaan us shakhs se hoshiyaar rahnaa
sabhi se jhuk ke jo miltaa bahut hai

uThaao camera tasvir khinch lo in ki
udaas log kahaan roz muskuraate hain

zindagi ek kahaani ke sivaa kuchh bhi nahin
log kirdaar nibhaate hue mar jaate hain

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

zindagi zor hai ravaani kaa
kyaa thamegaa bahaav paani kaa

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne