na baatein kare hai na dekhaa kare hai — Mahshar Inayati

main divaana sahi lekin vo khush-qismat huun ai 'mahshar'
ki duniyaa ki zabaan par aa gayaa hai aaj naam apnaa

— Mahshar Inayati

un kaa gham un kaa tasavvur un ki yaad
kaT rahi hai zindagi aaraam se

— Mahshar Inayati

chale bhi aao mire jite-ji ab itnaa bhi
na intizaar baDhaao ki niind aa jaae

— Mahshar Inayati

har ek baat zabaan se kahi nahin jaati
jo chupke baiThe hain kuchh un ki baat bhi samjho

— Mahshar Inayati

kisi ki bazm ke haalaat ne samjhaa diyaa mujh ko
ki jab saaqi nahin apnaa to mai apni na jaam apnaa

— Mahshar Inayati

qasam jab us ne khaai ham ne e'tibaar kar liyaa
zaraa si der zindagi ko khush-gavaar kar liyaa

— Mahshar Inayati

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

maango samundaron se na saahil ki bhiik tum
haan fikr o fan ke vaaste gahraai maang lo

— Hasan Najmi Sikandarpuri