kis gardish-e-paiham mein miraa sho’la-e-dil hai — Miraash

thi kal dayaar-e-'ishq mein 'iduzzuhaa 'miraash'
ham kyaa galaa kaTaate 'ajab bheD-chaal thi

— Miraash

ghar palaT kar jo miri raushan-khayaali aai hai
shor hai shahr-e-sukhan mein phir divaali aai hai

— Miraash

jo mere banne se pahle ik intizaar banaa
us intizaar ke andar main baar baar banaa

— Miraash

khanak rahaa huun main nashshe mein chaabiyon ki tarah
khuli hai pyaas magar mai-kade pe taalaa hai

— Miraash

khutut aag mein jalte hain aur sikhon par
kisi kaa dil to jigar hai kisi parinde kaa

— Miraash

gard aainon ki chaaron taraf hai jami hui
'aalam 'ajib shisha-gari ki dukaan hai

— Miraash

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

chaand ne taan li hai chaadar-e-abr
ab vo kapDe badal rahi hogi

— Jaun Elia