ghar mein saamaan to ho dilchaspi kaa — Mohammad Alvi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

yakka ulaT ke rah gayaa ghoDaa bhaDak gayaa
kaali saDak pe chaand saa chehra chamak gayaa

— Mohammad Alvi

kamre mein maze ki raushni ho
achchhi si koi kitaab dekhun

— Mohammad Alvi

aur baazaar se kyaa le jaaun
pahli baarish kaa mazaa le jaaun

— Mohammad Alvi

bulaa rahaa thaa koi chikh chikh kar mujh ko
kuein mein jhaank ke dekhaa to main hi andar thaa

— Mohammad Alvi

nayaa saal divaar par Taang de
puraane baras kaa calendar giraa

— Mohammad Alvi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli