aur baazaar se kyaa le jaaun — Mohammad Alvi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

kamre mein maze ki raushni ho
achchhi si koi kitaab dekhun

nayaa saal divaar par Taang de
puraane baras kaa calendar giraa

bulaa rahaa thaa koi chikh chikh kar mujh ko
kuein mein jhaank ke dekhaa to main hi andar thaa

mire hone ne mujh ko maar Daalaa
nahin thaa to bahut mahfuz thaa main

main us ke badan ki muqaddas kitaab
nihaayat aqidat se paDhtaa rahaa

chaand ne taan li hai chaadar-e-abr
ab vo kapDe badal rahi hogi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

sabza o gul kahaan se aae hain
abr kyaa chiiz hai havaa kyaa hai

us ko sochun to dhyaan mein mere
khushbu aati hai pahli baarish ki

pyaaso raho na dasht mein baarish ke muntazir
maaro zamin pe paanv ki paani nikal paDe

aae kuchh abr kuchh sharaab aae
is ke baa'd aae jo azaab aae