kis pe marte ho aap puchhte hain — Momin Khan Momin

raaz-e-nihaan zabaan-e-aghyaar tak na pahunchaa
kyaa ek bhi hamaaraa khat yaar tak na pahunchaa

— Momin Khan Momin

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

— Momin Khan Momin

shab jo masjid mein jaa phanse 'momin'
raat kaaTi khudaa khudaa kar ke

— Momin Khan Momin

na maanungaa nasihat par na suntaa main to kyaa kartaa
ki har har baat mein naaseh tumhaaraa naam letaa thaa

— Momin Khan Momin

kyaa jaane kyaa likhaa thaa use iztiraab mein
qaasid ki laash aai hai khat ke javaab mein

— Momin Khan Momin

tu kahaan jaaegi kuchh apnaa Thikaana kar le
ham to kal khvaab-e-adam mein shab-e-hijraan honge

— Momin Khan Momin

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

qulzum-e-fikr mein hai kashti-e-imaan saalim
naa-khudaa husn hai aur ishq hai langar apnaa

— Sahir Dehlavi

jab bhi ye sochne lagtaa huun ki kaun apnaa hai
zehn mein aa ke kai naam nikal jaate hain

— Abdul Wahab Sukhan

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

— Siraj Aurangabadi

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal