Momin Khan Momin

chara-e-dil siva.e sabr nahin
so tumhare siva nahin hota

tum mire paas hote ho goya
jab koi dusra nahin hota

ho ga.e nam-e-butan sunte hi 'momin' be-qarar
ham na kahte the ki hazrat parsa kahne ko hain

ham samajhte hain azmane ko
uzr kuchh chahiye satane ko

kuchh qafas men in dinon lagta hai ji
ashiyan apna hua barbad kya

le shab-e-vasl-e-ghair bhi kaaTi
tu mujhe azma.ega kab tak

raaz-e-nihaan zabaan-e-aghyaar tak na pahunchaa
kyaa ek bhi hamaaraa khat yaar tak na pahunchaa

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

shab jo masjid mein jaa phanse 'momin'
raat kaaTi khudaa khudaa kar ke

na maanungaa nasihat par na suntaa main to kyaa kartaa
ki har har baat mein naaseh tumhaaraa naam letaa thaa

kyaa jaane kyaa likhaa thaa use iztiraab mein
qaasid ki laash aai hai khat ke javaab mein

tu kahaan jaaegi kuchh apnaa Thikaana kar le
ham to kal khvaab-e-adam mein shab-e-hijraan honge