qubul un ki duaaein zarur hoti hain — Mukhlis Musavviri

Digriyaan-yaafta hazaaron hain
hain haqiqat mein pass ginti ke

— Mukhlis Musavviri

raat mein tiir andhe chalaane lage
aur nishaane pe un ke nishaane lage

— Mukhlis Musavviri

mere dil mein miri aankhon mein nazar mein rahiye
kam se kam aap kisi ek to ghar mein rahiye

— Mukhlis Musavviri

main ne maanaa ki bahut aap hasin hain lekin
aap kaa dil bhi hasin ho ye zaruri to nahin

— Mukhlis Musavviri

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

mujhe dost kahne vaale zaraa dosti nibhaa de
ye mutaalba hai haq kaa koi iltijaa nahin hai

— Shakeel Badayuni

main zindagi ki duaa maangne lagaa huun bahut
jo ho sake to duaaon ko be-asar kar de

— Iftikhar Arif