beTe mein chaahe laakh kharaabi ho 'mukhtasar' — Mukhtasar Azmi

b-a mein paDh rahaa hai ye knowledge kaa haal hai
naqshe mein lucknow ko kahe kanpur hai

— Mukhtasar Azmi

karo na hind mein baat ittihaad-e-millat ki
ki is se hote hain amrikiyon ke kaan khaDe

— Mukhtasar Azmi

main ro rahaa huun ye to jahaan se chalaa gayaa
apni balaa ko mere gale se lagaa gayaa

— Mukhtasar Azmi

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

kaun si aisi kami mere khad-o-khaal mein hai
aaina khush nahin hotaa kabhi mil kar mujh se

— Afzal Gauhar Rao

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

tum aake lauT gae phir bhi ho yahin maujud
tumhaare jism ki khushbu mire makaan mein hai

— Abbas Dana

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

— Qateel Shifai