uf rahbaron mein aisaa koi raahbar nahin — Nasim Zahid

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main sabr kar rahaa huun to zaalim hai taa'na-zan
us ko khabar nahin ki khudaa mere saath hai

— Nasim Zahid

kirdaar rahnumaa kaa mujhe lag rahaa hai yuun
talvaar jaise ho kisi paagal ke haath mein

— Nasim Zahid

use daulat kamaane ki havas thi
nazar se ab nazaara ho gai hai

— Nasim Zahid

mujhe khabar hai use aisaa dard hai 'zaahid'
jise davaa nahin rishvat sukun deti hai

— Nasim Zahid

tujh ko hai naaqidin se nafrat
tere kamre mein aaina kyon hai

— Nasim Zahid

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey