nain nachant hain dekh ke tujh ko — Nasir Shahzad

dariyaa pe Tikri se pare khaanqaah thi
tab tere mere pyaar ki duniyaa gavaah thi

— Nasir Shahzad

dekhaa qad-e-gunaah pe jab is ko multafit
baDh kar had-e-nigaah lagi us ko Dhaanpne

— Nasir Shahzad

yaad aae tu mujh ko bahut jab shab kaTe jab pau phaTe
jab vaadiyon mein duur tak kohraa dikhe be-ant saa

— Nasir Shahzad

khile dhaan khilkhilaa kar paDe naddiyon mein naake
ghani khushbuon se mahke mire des ke ilaaqe

— Nasir Shahzad

hijraton mein huzuriyon ke jatan
paanv ko duriyon ne gheraa hai

— Nasir Shahzad

ek kaaTaa raam ne siitaa ke saath
dusraa ban boss mere naam par

— Nasir Shahzad

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

chaand ne taan li hai chaadar-e-abr
ab vo kapDe badal rahi hogi

— Jaun Elia

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal