Nasir Shahzad

phir mujhe mil nadi kinare kahin
phir baDha maan aa ke rahon ka

ham vo log hain jo chahat men
ji na saken to mar rahte hain

jab ki tujh bin nahin maujud koi
apne hone ka yaqin kaise karun

tujh se bichhDe gaanv chhuTa shahr men aa kar base
taj diye sab sangi sathi tyaag Daala des bhi

yaad aa.e tu mujh ko bahut jab shab kaTe jab pau phaTe
jab vadiyon men duur tak kohra dikhe be-ant sa

nayya bandho nadi kinare sakhi
chand bairag raat tyaag lage

dariyaa pe Tikri se pare khaanqaah thi
tab tere mere pyaar ki duniyaa gavaah thi

dekhaa qad-e-gunaah pe jab is ko multafit
baDh kar had-e-nigaah lagi us ko Dhaanpne

yaad aae tu mujh ko bahut jab shab kaTe jab pau phaTe
jab vaadiyon mein duur tak kohraa dikhe be-ant saa

khile dhaan khilkhilaa kar paDe naddiyon mein naake
ghani khushbuon se mahke mire des ke ilaaqe

hijraton mein huzuriyon ke jatan
paanv ko duriyon ne gheraa hai

ek kaaTaa raam ne siitaa ke saath
dusraa ban boss mere naam par