raat ab apne ikhtitaam pe hai — Nishant Shrivastava Nayab

vo chaahte hain ki manzil kaa zikr to aae
magar kahaani se rasta haTaa liyaa jaae

— Nishant Shrivastava Nayab

ye ishq hi thaa jis se mili shohratein tumhein
varna tumhaaraa shahr tumhein jaantaa na thaa

— Nishant Shrivastava Nayab

sivaa us ke na koi aur meraa dost ban paae
vo is Dar se zamaana mein mujhe badnaam kartaa hai

— Nishant Shrivastava Nayab

chhaate matlab kho dete hain
kyon itni baarish hoti hai

— Nishant Shrivastava Nayab

dhuup jhumke pe jab paDi us ke
Dar ke suraj ne pher li aankhein

— Nishant Shrivastava Nayab

khulte khulte mujh pe khulaa ye
main bhi duniyaa ke jaisaa huun

— Nishant Shrivastava Nayab

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

— Aziz Nabeel

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

— Nazeer Akbar Abadi

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

— Akhtar Ansari