shor din ko nahin sone detaa — Saifuddin Saif

husn jalva dikhaa gayaa apnaa
ishq baiThaa rahaa udaas kahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aaj ki raat vo aae hain baDi der ke baad
aaj ki raat baDi der ke baa'd aai hai

paas aae to aur ho gae duur
ye kitne ajiib faasle hain

gham-gusaaro bahut udaas huun main
aaj bahlaa sako to aa jaao

us musaafir ki naqaahat kaa Thikaana kyaa hai
sang-e-manzil jise divaar nazar aane lage

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

baarish ke baa'd raat saDak aaina si thi
ik paanv paaniyon pe paDaa chaand hil gayaa

aaj phir bujh gae jal jal ke umidon ke charaagh
aaj phir taaron bhari raat ne dam toD diyaa

koi kyaa bataae ki ziist mein na kashish rahi na mazaa rahaa
jo guzar gayaa vo shabaab thaa jo bikhar gayaa vo jamaal thaa

ik raat dil-jalon ko ye aish-e-visaal de
phir chaahe aasmaan jahannam mein Daal de