chhin gai kursi to leader par uThaa liin kursiyaan — Popular Meeruthi

dastakhat to tumhein bhi aate hain
abbaa tum bhi vazir ban jaate

— Popular Meeruthi

khud tiis kaa hai aur dulhan saaTh baras ki
girti hui divaar ke saae mein khaDaa hai

— Popular Meeruthi

be-vaqufi ke anokhe kaarnaame dekh kar
achchhe-khaase leaderon ko bhi gadhaa kahnaa paDaa

— Popular Meeruthi

apni shohrat ki alag raah nikaali ham ne
kisi divaan se ghazal koi churaa li ham ne

— Popular Meeruthi

teraa aadhaa kaam khud insaan hi karne lage
kaam teraa ab to ai shaitaan aadhaa rah gayaa

— Popular Meeruthi

meraa sasuraal mein koi bhi taraf-daar nahin
un ke honTon pe bhi taale hain khudaa khair kare

— Popular Meeruthi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

ik khauf-e-be-panaah hai aankhon ke aar-paar
taarikiyon mein Dubtaa lamha hai saamne

— Sultan Akhtar

vo kabhi aaghaaz kar sakte nahin
khauf lagtaa hai jinhein anjaam se

— Siraj Faisal Khan

kisi ko saal-e-nau ki kyaa mubaarakbaad di jaae
calender ke badalne se muqaddar kab badaltaa hai

— Aitbar Sajid

shaikh mujh ko na Daraa apni musalmaani thaam
ham faqiron kaa kisi rang se imaan na jaae

— Qasim Ali Khan Afridi