na jaane kaun si turpan udheD rakkhi hai — Pranav Mishra Tejas

cigarette se jaa ke duur giraa khaak ho gayaa
aaya sharar ki shakl mein soz-e-nihaan kaa dard

— Pranav Mishra Tejas

apni talab mein shauq se jagte hain raat-bhar
ham ko kisi ke ishq kaa maaraa na jaaniye

— Pranav Mishra Tejas

jaate nahin hain aur kahin phaankne ko dhuul
sahraa hamaare ghar kaa hai mehmaan in dinon

— Pranav Mishra Tejas

sajda huaa hamesha faqiron ke ilm par
ham aagahi pe marte hain poshaak par nahin

— Pranav Mishra Tejas

mujh se khalaa mein baat bhi karnaa nahin rafiq
aise khalaa mein baat bhi karnaa hai ik gunaah

— Pranav Mishra Tejas

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir