kis liye daava-e-zulekhaai — Qalaq Merathi

naala kartaa huun log sunte hain
aap se meraa kuchh kalaam nahin

amn aur tere ahd mein zaalim
kis tarah khaak-e-rahguzar baiThe

har sang mein kaabe ke nihaan ishva-e-but hai
kyaa baani-e-islaam bhi ghaarat-gar-e-din thaa

ham us kuche mein uThne ke liye baiThe hain muddat se
magar kuchh kuchh sahaaraa hai abhi be-dast-o-paai kaa

tu hai harjaai to apnaa bhi yahi taur sahi
tu nahin aur sahi aur nahin aur sahi

kufr aur islaam mein dekhaa to naazuk farq thaa
dair mein jo paak thaa kaabe mein vo naapaak thaa