tere bin ghaDiyaan gini hain raat din — Rehman Faris

miri to saari duniyaa bas tumhi ho
ghalat kyaa hai jo duniyaa-daar huun main

— Rehman Faris

shajar ne puchhaa ki tujh mein ye kis ki khushbu hai
havaa-e-shaam-e-alam ne kahaa udaasi ki

— Rehman Faris

vo pahle sirf miri aankh mein samaayaa thaa
phir ek roz ragon tak utar gayaa mujh mein

— Rehman Faris

tum to darvaaza khulaa dekh ke dar aae ho
tum ne dekhaa nahin divaar ko dar hone tak

— Rehman Faris

kahaani khatm hui aur aisi khatm hui
ki log rone lage taaliyaan bajaate hue

— Rehman Faris

mujh ko khud mein jagah nahin milti
tu hai maujud is qadar mujh mein

— Rehman Faris

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli