miri hatheli pe jo hijr ki lakirein hain — Reshma Zaidi

mujh se qafas kaa darvaaza kyaa TuTegaa
paanv paDi zanjir mein khoi rahti huun

— Reshma Zaidi

ai kuza-gar de shakl mujhe ik charaagh ki
jis se kisi dayaar ko raushan main kar sakun

— Reshma Zaidi

chalo khizaaon mein zikr-e-bahaar karte hain
ki be-qaraar tabi'at ko kuchh qaraar aae

— Reshma Zaidi

jism thak haar ke so jaataa hai har shab lekin
zehn ke vaaste bistar nahin hotaa koi

— Reshma Zaidi

pahle to tasvir banaati huun teri
phir teri tasvir mein khoi rahti huun

— Reshma Zaidi

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

— Zehra Nigaah

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

— Ajmal Siddiqui