be-karaan dasht-e-tasavvur mein bhaTakne ke nuqush — Riasath Ali Asrar

chaandni surkh si dikhaai de
ye moharram kaa chaand hai 'asraar'

— Riasath Ali Asrar

ham na aae junun ke bas mein kabhi
ye garebaan khirad ne chaak kiyaa

— Riasath Ali Asrar

aap ham se judaa nahin hote
aap par ikhtiyaar hai koi

— Riasath Ali Asrar

kyaa us se bichhaDte ki mile hi na the jis se
ik-tarfa mohabbat ke bhi hain zaaviye kyaa kyaa

— Riasath Ali Asrar

apni zanjir-e-paa ko dekhtaa huun
us ki paazeb yaad aati hai

— Riasath Ali Asrar

mahv hain hazrat-e-khayaal apne
haal-e-dil mein muraaqiba baandhe

— Riasath Ali Asrar